May boyfriend ako ngayon pero labs ko pa
rin ang aking ex. Dapat ko bang itigil ang relasyon naming ng aking BF? – Kai
Kai,
Anong silbi ng relasyon ninyo ng boyfiend
mo kung hindi mo naman siya mahal? Huwag kang maging madaya. Kailangan ay
maging tapat ka. Hindi lang sa kanya kundi pati sa’yong sarili.
Walang kahihinatnan ang inyong relasyon
kung wala kang damdamin sa kanya. Kawawa naman siya. Kung mahal na mahal ka
niya sigurado ako na labis siyang nasasaktan sa kaalamang hindi mo siya talaga
mahal. Tiyak na hindi siya manhid para ‘di niya maramdaman na wala kang
pag-ibig sa kanya. Pero, bakit ba hanggang ngayon ay mahal mo pa rin ang iyong
ex?
Well, siguro nga ay ibinigay mo sa kanya ng buung-buo ang iyong puso kaya
ngayon ay nahihirapan kang palitan siya. Huwag mo kasing ikukumpara ang
kasalukuyan mong boyfriend sa’yong ex-bf dahil ang mga kakulangan ng
kasalukuyan mong relasyon ang makikita mo. Siyempre, hahanap-hanapin mo ang noon
dahil hindi ka kuntento sa ngayon pero kapag nawala ‘yan sa’yo tiyak na siya naman
ang iyong hahanapin. Naturalesa na kasi sa mga tao na ang hinahanap ay ‘yung
wala at ang naririyan ay hindi binibigyan ng importansiya.
Kaya, bago ka gumawa ng desisyon,
pag-isipan mo muna ng ilang ulit. Mahirap magkamali, sige ka.
Walang komento:
Mag-post ng isang Komento