Dear Maria Angela,
Gusto
ng ka-text kong guy na magkaroon kami ng relasyon kahit mayroon akong asawa. Dahil
doon ay nagdesisyon na akong itigil ang pakikipag-text sa kanya. Mahal na mahal
ko pala ang aking asawa. Ano ang aking gagawin para makabawi ako sa aking
mister? – Nerrie
Nerrie,
Bakit
ka ba naman kasi nakikipag-text pa? Bored ka ba? Aba, tumingin ka lang sa
paligid at tiyak na marami kang magagawa. Itigil mo na ang pakikipag-text mo sa
lalaking ‘yan, huwag mo na hintayin na magkasala ka pa. Kapag nangyari iyon
para ka lang kumuha ng martilyo na ipupukpok sa’yong ulo.
Sana
nga lang, kapag itinigil mo na ang pakikipag-text mo sa lalaking ‘yan, tumigil
ka na talaga. Meaning, huwag ka na ring makikipag-text sa kahit sinong lalaki
maliban sa’yong mister.
Mayroon
ka ng asawa kaya dapat sa kanya lang ang atensyon mo. Kung gusto mo ng
textmate, i-text mo na lang ang iyong asawa. Sigurado pa akong tatamis ang
inyong pagmamahalan. Kung gusto mong
makabawi sa’yong asawa, gampanan mo ang tungkulin mo bilang misis. ‘Yon ay ang
maging tapat ka sa kanya. Dapat ding asikasuhin mo ang lahat ng kanyang
pangangailangan. Hindi lang sa kama kundi sa mga kanyang kailangan. Ipagluto mo
siya, ipaglaba, ipamalantsa at ipaglinis mo siya ng bahay. Kung nasa abroad
siya at nagtatrabaho, i-chat mo siya palagi para malabanan ninyo ang lungkot.
Kung may anak kayo, asikasuhin mo siya para mawala ang atensyon mo sa
pakikipag-text sa kung sinong herodes na hindi mo naman kilala. Para madala ka
sa pakikipag-text, ipapaalala ko sa’yo na ‘yan na ang pinapasok ng mga kawatan
para ikaw ay mapagnakawan. Buti sana kung iyon lang ang magaganap sa’yo ay
pagnanakawan ka lang, paano kung halayin at patayin ka? Kaya magtino ka na.
Walang komento:
Mag-post ng isang Komento